David Beckham hefur sent skilaboð til elsta sonar síns, Brooklyn, á samfélagsmiðlum í kjölfar mikils fréttafár um fjölskylduerjur.
Brooklyn, sem er 26 ára, er elstur barna David og Victoria Beckham, en hann giftist leikkonunni Nicolu Peltz árið 2022. Undanfarið hefur verið greint frá spennu innan fjölskyldunnar og staðfesti yngri bróðirinn Cruz nýverið að Brooklyn hefði lokað á foreldra sína og systkini á Instagram.
Brooklyn eyddi jólunum fjarri fjölskyldunni og birti mynd af sér og eiginkonu sinni. Í kjölfarið birtu David og Victoria færslur sem túlkaðar voru sem væg skot á soninn og Peltz.
Nú hefur David Beckham brugðist við með því að birta röð mynda á Instagram af sér með öllum börnum sínum, Brooklyn, Romeo, Cruz og Harper. Með myndunum fylgdu skilaboð þar sem hann lagði áherslu á ást sína á fjölskyldunni.
„Ég er svo þakklátur fyrir fjölskylduna mína. Ég elska ykkur öll. Þið eruð líf mitt,“ skrifaði hann við.
Meira
Áfram allt í rugli hjá Beckham-fjölskyldunni eftir að sonurinn gerði þetta í gær
