Noa Lang framherji Galatasaray slasaði sig alvarlega á fingri í leik gegn Liverpool í Meistaradeildinni í kvöld. Liverpool er að vinna 4-0 þegar þetta er skrifað.

Atvikið átti sér stað þegar Lang missti stjórn á boltanum innan vítateigs. Hann náði ekki að hægja á sér og hafnaði á auglýsingaskiltum við hliðarlínuna.

Eftir áreksturinn virtist hollenski sóknarmaðurinn finna fyrir miklum verkjum, sérstaklega í hendinni. Hann fékk aðhlynningu lengi við hliðarlínuna og var ljóst að meiðslin væru alvarleg.

Að lokum var Lang borinn af velli á börum og gat ekki haldið leik áfram.

Nokkuð mikið af blóði fossaði úr fingri Lang sem fer líklega upp á sjúkrahús.