Breiðablik og Víkingur hafa trónað á toppnum í Bestu deildinni síðustu ár og ekkert annað lið hefur unnið deildina eftir að henni var skipt upp eftir 22 umferðir.
Stigasöfnun liðanna í ár er hins vegar sú slakasta í mörg ár og áhugavert að bera hann saman við síðustu ár.
Víkingur hefur leikið 21 leik og hefur safnað 39 stigum í pokann í sumar, á sama tíma í fyrra var liðið með sjö stigum meira. Breiðablik hefur spilað 20 leiki og voru í fyrra með tíu stigum meira, liðið endaði sem meistari.
Víkingur var eftir 21 leik árið 2023 með 56 stig, liðið er með sautján stigum minna í ár. Sumarið 2023 var Breiðablik að verja titil og var titilvörn þeirra ekki merkileg, liðið var hins vegar með 38 stig eftir 20 leiki þá. Fimm stigum meira en liðið er með núna.
Spennan í Bestu deildinni er gríðarleg en Valur er með 40 stig, stigi meira en Víkingur en Breiðablik situr í fjórða sætinu.
Samanburður á stigasöfnun síðustu ára – Víkingur eftir 21 leik og Breiðablik eftir 20 leiki:
2025
Víkingur – 39 stig
Breiðablik – 33 stig
2024
Víkingur – 46 stig
Breiðablik – 43 stig
2023
Víkingur – 56 stig
Breiðablik – 38 stig
2022:
Víkingur – 42 stig
Breiðalik – 48 stig
