Dejon Noel-Williams er ekki nafn sem margir kannast við en hann á föður sem einhverjir ættu þó að þekkja en hann ber nafnið Gifton Noel-Williams.

Gifton er 45 ára gamall í dag en hann var öflugur sóknarmaður á sínum tíma og lék með liðum eins og Watford, Stoke og Burnley.

Gifton átti ansi góðan feril sem atvinnumaður en hann spilaði fyrir ansi mörg félög og þar á meðal tveimur á Spáni.

Sonur hans Dejon er nú í umræðunni en hann ákvað að skrá sig til leiks í nýjustu þáttaröðina af Love Island sem eru afskaplega vinsælir um allan heim.

Raunveruleikaþátturinn hefur náð vinsældum um alla Evrópu og þar á meðal Íslandi en 12. þáttaröðin fer af stað í þessum mánuði.

Dejon er sjálfur fótboltamaður og leikur í neðri deildunum á Englandi en hann er 26 ára gamall og á að baki átta landsleiki fyrir Grenada.

Hann hóf ferilinn hjá Oxford í þriðju efstu deild Englands en hefur undanfarin ár verið í utandeildunum.