Al-Hilal í Sádi Arabíu er í vandræðum með að sannfæra fjölskyldu miðjumannsins Bruno Fernandes um að færa sig til landsins.
Frá þessu greinir blaðamaðurinn Sacha Tavolieri en Fernandes er mikið orðaður við Sádi þessa stundina.
Portúgalinn er leikmaður Manchester United og gæti félagið fengið allt að 100 milljónir punda fyrir lykilmann sinn í sumar.
Tavolieri segir að fjölskylda Fernandes sé ekki sannfærð um skrefið til Sádi en hann myndi fá gríðarlega launahækkun þar í landi ef samningar nást.
Al-Hilal er víst tilbúið að gera allt til að næla í þennan öfluga leikmann sem ber fyrirliðabandið hjá enska stórliðinu.
