Bardagamaðurinn Ilia Topuria hefur viðurkennt það að hann hafi reynt að ná í félaga sinn, Sergio Ramos, fyrir mikilvægan bardaga sem fór fram í gær.

Topuria og Ramos eru góðir vinir en sá fyrrnefndi barðist við Charles Oliveira í nótt í UFC keppninni.

Ramos hafði mætt á síðustu tvo bardaga vinar síns en hann er í dag leikmaður í Mexíkó en er þekktastur fyrir tíma sinn hjá Real Madrid.

Topuria segir að Ramos hafi einfaldlega ekki svarað skilaboðunum sem hann sendi Ramos og var nokkuð sár vegna þess.

,,Ég veit ekki hvort hann muni mæta, það er langt síðan við ræddum saman,“ sagði Topuria.

,,Ég er búinn að senda honum skilaboð en hann svarar ekki. Hann er minn maður en hann hafði víst ekki tímann í að svara mér.“

Vonandi hefur Ramos góða afsökun fyrir því að svara vini sínum ekki en hann er í dag að spila með félagsliði sínu Monterrey á HM félagsliða.