Chelsea er víst ekki búið að gefast upp á því að fá markvörð fyrir næsta tímabil eins og greint var frá í vikunni.

Chelsea var á eftir Mike Maignan frá AC Milan í sumar en neitaði að borga uppsett verð og verður hann ekki leikmaður liðsins í vetur.

Nú greinir DSPorts frá því að Emiliano Martinez, markvörður Aston Villa, sé á óskalista Chelsea.

Allar líkur eru á að Martinez sé að kveðja Villa en hann hefur verið orðaður við þónokkur félög undanfarnar vikur.

Enzo Maresca, stjóri Chelsea, er mikill aðdáandi Martinez sem er landsliðsmarkvörður Argentínu og einn sá besti í heimi að margra mati.

Tekið er þó fram að Martinez sé frekar að horfa til Manchester og hefur áhuga á að ganga í raðir Manchester United.