Leikarinn heimsfrægi Brad Pitt er mikill aðdáandi Lionel Messi en hann hefur sjálfur greint frá.

Pitt fylgist ekki mikið með fótbolta en hann hefur séð Messi spila á bæði HM og með Inter Miami í bandarísku MLS deildinni.

Pitt áttaði sig á snilli Messi árið 2022 er hann sá Argentínumanninn spila stórkostlega er hans menn unnu HM í Katar eftir úrslitaleik gegn Frökkum.

Pitt er að auglýsa nýju kvikmynd sína, F1, sem hefur fengið mikið lof og fékk óvænt spurningu um Messi og hafði þetta að segja.

,,Hey, hann er magnaður maður. Ég elska þennan gaur!“ sagði Pitt um argentínska snillinginn.

,,Sem túristi þá mæti ég af og til og fylgist með honum. Það tók hann dágóðan tíma í að sýna sitt besta á HM en á því síðasta þá áttaði ég mig á því hvað fólk átti við, nú skil ég!“

Pitt er einn þekktasti leikari sögunnar en hann var um tíma giftur Angelina Jolie og eiga þau saman börn.