Erling Haaland er enn aðeins 24 ára gamall en hann hefur verið einn allra besti framherji heims í nokkur ár.
Haaland komst á blað í HM félagsliða í gær er Manchester City vann 5-2 sigur á Juventus í keppninni.
Norðmaðurinn er nú búinn að skora heil 300 mörk á sínum ferli en þar eru tekin fyrir mörk hjá bæði félagsliði og landsliði.
Haaland hefur spilað með City undanfarin þrjú ár og hefur þar skorað 85 deildarmörk í 97 leikjum sem er stórkostlegur árangur.
Framherjinn hefur gert enn betur með norska landsliðinu og hefur þar skorað 42 mörk í 43 leikjum á sex árum.
