Félögin á HM félagsliða græða vel á að taka þátt í mótinu og er Real Madrid eitt þeirra.

Liðið er komið í 16-liða úrslit, en það sigraði RB Salbzurg og Pachuca og gerði jafntefli við Al-Hilal.

Real Madrid fékk 32,4 milljónir punda fyrir það eitt að vera með á HM. Þá fékk félagið rúmar 5 milljónir punda fyrir að vinna tvo leiki og 6,4 milljónir til viðbótar fyrir að fara áfram á næsta stig.

Real Madrid er því komið með um 44 milljónir punda í vasann fyrir að taka þátt á HM. Er það meira en fjórföld upphæðin sem félagið greiddi Liverpool fyrir að fá Trent Alexander-Arnold fyrr frá Liverpool. Þó leikmaðurinn hafi í raun komið á frjálsri sölu greiddi spænska félagið 10 milljónir punda fyrir að leysa hann undan samningi í byrjun júní og hafa hann með á HM.

Þá kostaði miðvörðurinn Dean Huijsen 50 milljónir punda er hann kom frá Bournemouth. Hægt er að líta á það sem svo að HM hafi nánast greitt upp kaupin á honum.