Karlmaðurinn sem grýtti stól í konu á spænsku eyjunni Ibiza á dögunum reyndist vera knattspyrnumaður í neðri deildum Englands.
Um er að ræða framherjann Kian Harratt, 23 ára gamlan leikmann Oldham, sem skoraði sigurmark sinna manna er þeir tryggðu sér sæti í ensku D-deildinni í vor.
Hann skellti sér svo til Ibiza ásamt vinum og í sundlaugargarði Marco Polo hótelsins komu upp slagsmál milli Harratt og vina hans og annars hóp fólks.
Konan sem um ræðir var að reyna að brjóta upp slagsmálin en fékk hún stólinn í sig að launum.
Þetta er ekki í fyrsta sinn sem Harratt er til vandræða. Hann hefur áður komist í kast við lögin og var þá settur í fjögurra mánaða bann fyrir brot á veðmálareglum á þarsíðustu leiktíð, þá á mála hjá Huddersfield.
View this post on Instagram
