Óskar Hrafn Þorvaldsson og lærisveinar hans í KR hafa svo sannarlega litað Bestu deildina skemmtilegum litum í upphafi sumars.
KR hefur skorað fimmtán mörk í fyrstu fimm leikjum sumarsins, liðið sækir til sigurs í hverjum einasta leik og neitar að leggjast niður að verjast.
Þetta hefur skilað einum sigri og fjórum jafnteflum en Óskar var í viðtali eftir 3-3 jafntefli við Breiðablik þar sem hann ræddi um skipin sem hann væri búin að brenna.
„Vegna þess að það er bara það sem við erum. Þar liggur sjálfsmynd okkar, að sækja. Ég hef vísað í Hernán Cortés þegar hann brenndi skip 1519 fyrir utan strendur Mexíkó. Menn höfðu ekkert val, þeir þurftu að fara upp á land og sigra asteka í mikilli undirtölu. Það gildir það sama um þetta. Ég talaði við konuna mína í síðustu viku og hún spurði þar sem við vorum að fara að mæta Íslandsmeisturunum á þeirra heimavelli hvort við ætluðum ekki að fara varkárt inn í leikinn? Ég leit aftur fyrir mig og spurði hana hvort hún sæi einhver skip. Hún sá engin skip. Þá var því svarað, við erum búnir að brenna skipin,“ sagði Óskar í viðtali við Fótbolta.net.
— Jói Skúli (@joiskuli10) May 6, 2025
Netverjar hafa sérstaklega gaman af þessum ummælum Óskars sem hafa orðið til þess að margir eru að ræða um þau á X-inu.
Ég sé engin skip
— Guðni Þ. Guðjónsson (@TheDuke180) May 5, 2025
„Maðurinn er auðvitað snillingur,“ segir Jóhann Skúli Jónsson sem stundum starfar sem forfallakennari í Dr. Football hlaðvarpinu.
Maðurinn er auðvitað snillingur pic.twitter.com/SBuYixh3PI
— Jói Skúli (@joiskuli10) May 5, 2025
Jón Kári Eldon einn harðasti stuðningsmaður KR Hefur einstaklega gaman af ummælum Óskars.
Neinei hér eru engin skip að finna vinur pic.twitter.com/RCBBcxkSWj
— Jón Kári Eldon (@jonkarieldon) May 6, 2025
Auðunn Örn Gylfason sem kemur að KV sem er vennslalið KR hefur einnig gaman af ummælum Óskars.
Vaknaði í morgun, stóð upp, leit aftur fyrir mig og sá engin skip hélt svo áfram út í daginn. Juju það er gott að vera í KR 🚢
— Auðunn Örn Gylfason (@AuddiGylfa) May 6, 2025
