Tengdadóttir fyrrum stórstjörnunnar Matt Le Tissier er að gera það gott á síðunni OnlyFans þessa dagana en það eru enskir miðlar sem vekja athygli á þessu.

Alex Le Tissier heitir þessi kona en hún er gift Mitch Le Tissier sem er sonur Matt sem gerði garðinn frægan sem knattspyrnumaður.

Hjónin lentu í miklum fjárhagsvandræðum þegar kórónaveiran var upp á sitt versta en þau eiga fjögur börn saman.

Mitch starfar í tryggingabransanum en Alex var heima og sá um börnin fjögur.

Athygli vekur að Alex er dugleg að birta myndir af sér í treyju Southampton en þar lék Matt frá 1986 til ársins 2002.

Matt er talinn einn besti leikmaður í sögu Southampton og lék þá átta landsleiki fyrir England.

,,Þessi vefsíða hefur breytt lífi mínu, ég elska að skemmta mér hérna og kynnast ykkur. Þið getið sent mér skilaboð alla daga og allar nætur og ég svara alltaf,“ segir Alex.

Alex er með 37 þúsund fylgjendur á Instagram síðu sinni og er að græða vel á OnlyFans þar sem hún birtir mjög djarfar myndir.

Hér má sjá myndir af Alex og neðst má sjá tengdapabba hennar, Matt.