Það eru ansi góðar líkur á því að Marcus Rashford spili fyrir Barcelona næsta vetur en spænska félagið er í viðræðum við leikmanninn að sögn margra miðla.

Rashford er á mála hjá Manchester United en hann var lánaður til Aston Villa í janúar og stóð sig ágætlega.

Nú vekja fjölmiðlar athygli á því að Rashford sé nýlega búinn að fylgja bæði Barcelona og Lamine Yamal á Instagram.

Yamal er efnilegasti leikmaður heims og spilar með Barcelona en hann gerði á dögunum nýjan samning til ársins 2031.

United er að tryggja sér sín fyrstu kaup í þessum glugga sem er Matheus Cunha frá Wolves og mun hann mögulega taka við sæti Rashford á Old Trafford.

Rashford virðist ekki eiga framtíð fyrir sér í Manchester en Ruben Amorim, stjóri liðsins, horfir á aðra leikmenn fyrir næsta tímabil.