Manchester United fær að vita það hvort Liam Delap hafi áhuga á að ganga í raðir félagsins í byrjun júní en Times greinir frá.
Delap er leikmaður Ipswich en hann er að kveðja félagið í sumar eftir fall úr efstu deild – hann var besti leikmaður liðsins á tímabilinu.
United hefur sýnt Delap mikinn áhuga síðustu vikur en önnur ensk lið eru einnig að horfa til sóknarmannsins.
Times segir að Delap verði búinn að taka ákvörðun fyrir 11. júní en hann mun þá spila með enska U21 landsliðinu á EM í Slóveníu.
Talið er að Delap muni kosta um 30 milljónir punda en Chelsea er einnig að skoða leikmanninn sem er 22 ára gamall.
