Ruben Amorim, stjóri Manchester United, var að vonum svekktur í gæt eftir að hans menn töpuðu gegn úrvalsliði frá Asíu í æfingaleik.

Leikið var í Malasíu en Amorim og hans menn töpuðu mjög óvænt 1-0 gegn liði sem kallar sig ASEAN All-Stars.

Sterkir leikmenn spiluðu fyrir United í þessum leik en þrátt fyrir það náði liðið að sýna fáa góða hluti og töpuðu gegn þeim asísku.

Gengi United á tímabilinu heilt yfir hefur verið afskaplega slakt og náði liðið ákveðnum hápunkti með þessu tapi í gær.

,,Auðvitað eru þetta mjög svekkjandi úrslit en það meiddist enginn á þessu erfiða grasi,“ sagði Amorim.

,,Við getum ekki hætt að klúðra hlutunum á alla vegu, í hverjum einasta leik og það er það sem gerðist í dag.“

,,Þetta eru leikir sem við eigum að vinna, sama hvað. Við þurfum að ná tökum á því.“