Enska knattspyrnugoðsögnin Ryan Giggs, sem fagnar 52 ára afmæli sínu um helgina, átti stórbrotinn feril hjá Manchester United en einkalíf hans komst síðar í hámæli vegna tveggja margræddra framhjáhalda sem áttu eftir að skaða ímynd hans.

Giggs giftist æskuvinkonu sinni, Stacey Cooke, árið 2007 og áttu þau tvö börn saman. En árið 2011, eftir átta ára leynilegt samband hans við Natasha Giggs, eiginkonu yngri bróður hans Rhodri, kom málið upp á yfirborðið og olli miklu uppnámi innan fjölskyldunnar. Í kjölfarið tók Rhodri fram að margir knattspyrnumenn hefðu einnig átt í sams konar leynilegum samböndum við Natasha.

Árið áður hafði Giggs einnig átt í sjö mánaða sambandi við Imogen Thomas, fyrrum Miss Wales og sjónvarpsstjörnu. Giggs reyndi að koma í veg fyrir að málið yrði opinbert með dýru lögbanni, en nafn hans var síðar nefnt á breska þinginu og skandallinn breiddist út.

Þrátt fyrir að hjónaband Giggs og Stacey héldi áfram um tíma varð skilnaður þeirra opinber árið 2017.

Í kjölfar þess hóf Giggs samband við Kate Greville, sem hann kynntist árið 2013 í tengslum við stofnun Hotel Football. Sambandið endaði í átökum þegar Greville sakaði Giggs um ofbeldi, sem hann neitaði sök á og var síðar sýknaður eftir að málið var fellt niður vegna skorts á vitnum.

Í réttarhöldunum kom þó fram að Giggs hefði átt í fjölda sambanda á meðan á ýmsum samböndum hans stóð og viðurkenndi hann að hafa „aldrei verið trúr“ í samböndum.

Giggs er í dag kominn með þriðja barn sitt, dótturina Cora, með nýrri kærustu sinni Zara Charles. Að sögn heimilda eru samskipti hans og fyrrverandi eiginkonu Stacey góð og hún hafi enga andúð lengur. Segir í grein Deily Star að Giggs hafi átt átta mismunandi kærustur frá því að hann og Stacey skildu.