Steven Gerrard hefur útskýrt hvers vegna hann ákvað að hafna boði Rangers um að taka við liðinu á ný fyrr í mánuðinum.
Skoska félagið sagði upp Russell Martin 5. október eftir slæmt gengi og Liverpool-goðsögnin, sem stýrði Rangers frá 2018 til 2021, var meðal þeirra sem félagið reyndi að fá til að taka við.
Í viðtali við TNT Sports sagðist Gerrard hafa átt jákvæðar og áhugaverðar samræður við eigendur félagsins, en tímasetningin hafi gert ákvörðunina ómögulega.
„Það var mjög nærri því. Ég átti góð samtöl við eigendur en þetta fannst mér of flýtt. Fjölskyldan mín var í Barein og ég þurfti að taka ákvörðun á stuttum tíma,“ sagði Gerrard.
„Ef ég ætti að taka svona stóra áskorun, þá þyrfti allt að vera fullkomið og ég hundrað prósent tilbúinn. Því miður var ég það ekki á þeim tíma.“
Gerrard bætti við að hjarta sitt væri enn hjá félaginu og óskaði Rangers velfarnaðar.
