Samkvæmt Mirror hafnaði Sir Jim Ratcliffe, stór eigandi í Manchester United, möguleikanum á að fá pólska framherjann Robert Lewandowski, þrátt fyrir áhuga knattspyrnustjórans Ruben Amorim.

Lewandowski, sem er 37 ára, rennur út á samningi sínum við Barcelona í lok tímabilsins og hefði því verið fáanlegur á frjálsri sölu. Ratcliffe hefur þó gripið inn í og stöðvað hugsanlegt tilboð þar sem laun leikmannsins, um 540 þúsund pund á viku, eru langt yfir því sem félagið er tilbúið að greiða.

Þetta er liður í nýrri stefnu United undir stjórn Ratcliffe og INEOS, þar sem áhersla er lögð á að forðast að semja við hátt launaða leikmenn á lokaskeiði ferilsins og í staðinn fjárfesta í yngri leikmönnum til framtíðar.

United endurnýjaði sóknarlínu sína í sumar með því að fá þá Bryan Mbuemo, Matheus Cunha og Benjamin Sesko, sem allir gegna nú lykilhlutverki á Old Trafford.