FC Kaupmannahöfn hefur mikinn áhuga á Nathan Butler-Oyedeji, leikmanni Arsenal. Þetta kemur fram í bæði dönskum og enskum miðlum.

Um er að ræða 22 ára gamlan framherja sem er á förum frá Arsenal. Hann er uppalinn hjá félaginu og hefur komið við sögu í tveimur leikjum aðalliðsins í örfáar mínútur. Báðir komu á síðustu leiktíð, gegn Dinamo Zagreb í Meistaradeildinni og Leicester í ensku úrvalsdeildinni.

Butler-Oyedeji hefur þó verið nokkuð iðinn við kolann í markaskorun með yngri liðum og varaliðu Arsenal. Honum tókst hins vegar ekki að skora á tveimur lánsdvölum í ensku neðri deildunum.

Dönsku meistararnir eru ekki þeir einu sem vilja hann, en Butler-Oyedeji er einnig orðaður við austurrísku meistarana í Sturm Graz.