Fyrrum leikmaður Chelsea mun mæta liðinu þann 20. júní en leikið verður á HM félagsliða sem hefst eftir helgi.

Chelsea spilar sinn fyrsta leik gegn Los Angeles FC frá Bandaríkjunum en sá leikur er á mánudaginn.

Eftir það mætir liðið Flamengo frá Brasilíu en fyrrum bakvörður liðsins, Filipe Luis, stýrir þeim brasilísku.

Luis lék með Chelsea frá 2014 til 2015 en hann var áður hjá Atletico Madrid og endaði svo ferilinn hjá Flamengo áður en hann tók við liðinu.

Athygli vekur er að Luis er aðeins 39 ára gamall og er að stíga sín fyrstu skref í þjálfun eftir ferilinn.

Hann lék 44 landsleiki fyrir Brasilíu á sínum ferli og hefur gert flotta hluti með Flamengo undanfarið ár.