Spánverjinn Isco hefur verið valinn í spænska landsliðið á ný en hann snýr aftur eftir sex ára fjarveru.

Isco var frábær fyrir Real Betis í vetur og var til að mynda valinn besti leikmaður Sambandsdeildarinnar.

Hinn 33 ára gamli Isco var verðlaunaður með sæti í landsliðinu sem spilar gegn Frökkum í Þjóðadeildinni.

Isco segir að börnin sín séu spenntari fyrir því að sjá pabba sinn spila með Lamine Yamal frekar en að hann sé sjálfur mættur í hópinn á ný.

,,Yngri börnin mín hafa aldrei séð mig spila fyrir Spán en minn elsti hefur náð því,“ sagði Isco.

,,Þau eru spenntari fyrir því að ég fái að hitta Lamine frekar en að ég sé mættur aftur í landsliðshópinn.“