Robert Fernandez, fyrrum yfirmaður knattspyrnumála hjá Barcelona, segir að Ousmane Dembele hafi ‘slegið alla hjá félaginu utan undir’ eftir að hafa skrifað undir hjá Paris Saint-Germain.

Dembele hefur verið frábær fyrir PSG eftir komu frá Barcelona þar sem hans líf utan vallar var mikið í umræðunni og var vængmaðurinn ásakaður um að vera metnaðarlaus atvinnumaður.

Fernandez vann hjá Barcelona á meðan Dembele glímdi við ákveðna erfiðleika og þvertekur fyrir þær sögur sem voru birtar í fjölmiðlum.

,,Það var engin þolinmæði á þessum tíma, enginn var þolinmóður. Ekki félagið, ekki fjölmiðlar og hann var of ungur til að átta sig á hlutunum,“ sagði Fernandez

,,Allt sem var talað um á þessum tíma að hann væri fagmannlegur, að hann væri að drekka á kvöldin – allt þetta var ekki rétt.“

,,Eftir tvö alvarleg meiðsli og í erfiðu umhverfi þá sýndi hann að hann er frábær atvinnumaður. Annar leikmaður á sama aldri hefði gefist upp. Hann hélt áfram, náði sér og spilaði vel undir Xavi.“

,,Í dag er hann að gera mjög vel og hefur í raun slegið okkur utan undir. Ég er mjög ánægður með að hlutirnir séu að ganga vel fyrir hann, hann er góður strákur og frábær atvinnumaður.“