Það eru fá hjónabönd í íþróttaheiminum sem eru eins oft á forsíðum blaða um allan heims og hjónaband varnarmannsins Kyle Walker og Annie Kilner.

Walker og Kilner hafa verið saman í mörg ár en hann hefur allavega tvívegis fundist sekur um að halda framhjá eiginkonu sinni og eignaðist tvö börn með konu að nafni Lauryn Goodman.

Kilner hefur reynt að gefa hjónabandinu séns eftir séns og flutti jafnvel með Walker til Ítalíu er hann gekk í raðir AC Milan frá Manchester City í janúar.

Til að byrja með var greint frá því að hjónin væru loksins að finna hamingjuna á ný en nú nokkrum mánuðum seinna er sagan önnur.

Daily Mail fjallar nú um að samband hjónanna sé nálægt endastöð og að þau tali varla saman.

Mail fer svo langt og segir að hjónabandið hafi aldrei verið eins slæmt og eru því taldar góðar líkur á að ofurparið muni skilja á þessu ári.

Walker ku hafa hagað sér nokkuð vel til að byrja með á Ítalíu en hefur svikið traust eiginkonunnar í enn eitt skiptið og er framhaldið nú óljóst.