Það er óhætt að segja að samband Cristiano Ronaldo og Jose Mourinho hafi ekki alltaf verið frábært en þeir unnu saman hjá Real Madrid.

Það er Luka Modric sem greinir frá þessu en hann vann með þeim báðum á Spáni.

Modric hefur sagt sögu af rifrildi tvímenningana þegar Real var að vinna úrslitaleik bikarsins 2-0 í hálfleik árið 2013.

,,Viðbrögð Mourinho komu mér á óvart. Við vorum að vinna 2-0 í úrslitaleik bikarsins,“ sagði Modric.

,,Ronaldo elti ekki andstæðing eftir innkast og Jose brjálaðist. Þeir létu hvor annan heyra það á vellinum.“

,,Eftir að hafa snúið aftur til búningsklefa þá sá ég Ronaldo sem var við það að gráta. Hann sagðist gera sitt besta en að Mourinho gagnrýndi hann endalaust.“

,,Þetta varð svo mikið að samherjar þurftu að komast í veg fyrir slagsmál þeirra á milli.“