Fyrrum knattspyrnumaðurinn Jermain Defoe var á forsíðum götublaða Englands fyrir nokkrum árum eftir viðtal sem birtist við konu sem kom ekki fram undir nafni. The Upshot rifjaði þetta upp.
Konan hafði þekkt Defoe í dágóðan tíma en þau byrjuðu að spjalla reglulega í gegnum forritið WhatsApp í júlí árið 2022. Það var aðeins mánuði eftir að Defoe kvæntist konu sinni Donna Tierney en þau gengu í það heilaga þann 4. júní það ár og kostaði brúðkaupið 200 þúsund pund.
Konan sem Defoe var að reyna við vissi ekki að hann væri giftur en komst að því að lokum og lokaði á allt samband þeirra á milli. Hún áttaði sig á því að Defoe væri aðeins að leitast eftir kynlífi og komst að því of seint að hann væri frátekinn.
„Ég kynntist Jermain fyrir mörgum árum á bar en ekkert átti sér stað. Við vorum í nokkru sambandi á WhatsApp en ég hafði ekki rætt við hann í langan tíma,“ sagði konan.
„Í júlí þá byrjaði hann að senda mér mörg skilaboð, hann var örvæntingafullur í að hitta mig og við vorum mikið í því að daðra við hvort annað. Að lokum þá var hann ekki svo heillandi, það var á hreinu að hann hugsaði um einn hlut. Ég áttaði mig svo á því að hann var giftur, ég vildi ekki taka þetta lengra.
Það væri ekki sanngjarnt í garð konunnar hans. Hver í andskotanum gerir svona svo stutt eftir að hafa lofað því að eyða ævinni með einhverjum? Ég býst við því að hann hafi talið sig vera með völd, þessi frægi og ríki fyrrum fótboltamaður. Það var enginn tilgangur í að halda þessu áfram.“
