Neymar, leikmaður Santos í Brasilíu, hefur fengið alvöru sneið frá fyrrum franska landsliðsmanninum Emmanuel Petit.
Neymar er fyrrum leikmaður liða eins og Barcelona og PSG og var á sínum tíma talinn efnilegasti leikmaður heims.
Brassinn hefur oft verið ásakaður um leti og áhugaleysi síðustu ár en hann er 33 ára gamall og leikur í heimalandinu.
,,Ég er mikill aðdáandi gæða Neymar, hann var einu sinni svo magnaður leikmaður en komst aldrei á þann stað sem hann hefði átt að komast á,“ sagði Petit.
,,Hann hefði átt að vinna Ballon d’Or og vera borinn saman við Lionel Messi og Cristiano Ronaldo og taka við af þeim. Þú getur kennt meiðslum hans og lífstíl um en hann stóðst ekki væntingarnar.“
,,Hann var með svo mikil gæði en glímdi við mikil vandamál utan vallar svo ég get ekki borið hann saman við Rivaldo.“
