Thibaut Courtois, markvörður Real Madrid, sagði áhugaverða hluti eftir leik sinna manna gegn Arsenal í Meistaradeildinni.
Courtois segir að Real sé ekki með neinn ‘Joselu’ í sínum röðum í dag eða mann sem getur komið fyrirgjöfum í markið.
Arsenal kom, sá og sigraði á Santiago Bernabeu og vann 2-1 sigur eftir að hafa unnið fyrri leikinn 3-0 heima fyrir.
Joselu spilaði með Real tímablið 2023-2024 áður en hann hélt til Al-Gharafa en hann er 192 sentímetrar á hæð og var mjög öflugur innan teigs en í dag er hann er 35 ára gamall.
,,Við vorum alltof mikið í því að gefa boltann fyrir, við ættum að spila meira saman og skapa færi,“ sagði Courtois.
,,Við reyndum endalaust að gefa boltann fyrir en Arsenal er með hávaxna leikmenn og við erum ekki með leikmann eins og Joselu.“
