Roberto De Zerbi er búinn að missa traust sóknarmannsins Mason Greenwood að mati franska blaðamannsins Daniel Riolo.

Riolo var harðorður eftir leik Marseille um helgina en liðið tapaði 3-1 og var þetta þriðja tap liðsins í röð í deildinni.

Greenwood var um tíma bekkjaður hjá Marseille þrátt fyrir að vera ein skærasta stjarna liðsins en Roberto De Zerbi, stjóri liðsins, var óánægður með viðhorf leikmannsins.

De Zerbi ákvað að kalla Greenwood aftur í byrjunarliðið í tapinu gegn Reims en Englendingurinn var alls ekki upp á sitt besta.

Riolo er á því máli að samband De Zerbi og Greenwood sé nú ónýtt og að sá enski hafi lítinn sem engan áhugá að hlusta á þann ítalska.

,,Þú ert að spila gegn Reims sem er lið sem vinnur enga viðureign.. Ef þú tapar 1-0, allt í lagi, þeir ræna sigrinum, nei ekki í þessi tilfelli, þú færð á þig þrjú mörk og heldur þessu skelfilega gengi áfram,“ sagði Riolo.

,,Greenwood er ekki að fara mæta til leiks, hann er ekki til staðar lengur. Hann er ekki möguleiki. Það sem Roberto De Zerbi er að gera við Greenwood er ekki að virka.“