U17 ára landslið kvenna tapaði 2-3 gegn Belgíu á laugardag í fyrsta leik liðsins í seinni umferð undankeppni EM 2025 sem fram fór á Pinatar á Spáni.
Rebekka Sif Brynjarsdóttir kom Íslandi í 1-0 á 18. mínútu en Belgar jöfnuðu metin aðeins þremur mínútum síðar.
Belgar bættu svo við sínu öðru marki á 37. mínútu og skoruðu það þriðja á 74. mínútu. Thelma Karen Pálmadóttir minnkaði muninn í 2-3 rétt fyrir leikslok eða á 89. mínútu.
Íslenska liðið mætir Spáni á morgun klukkan 11:00 í öðrum leik sínum í riðlinum. Leikurinn verður í beinni útsendingu á síðu KSÍ í Sjónvarpi Símans
