Mohamed Salah, leikmaður Liverpool, fékk ráð frá fyrrum stjóra Arsenal, Arsene Wenger, á sínum tíma sem hann nýtir sér í dag.

Salah hefur lengi verið einn besti leikmaður ensku úrvalsdeildarinnar og hefur átt stórkostlegt tímabil hingað til.

Wenger ræddi við Salah fyrir einhverjum árum síðan og gaf honum góð ráð sem Egyptinn hefur nýtt á sínum ferli.

,,Mig minnir að ég hafi fengið ráð frá Arsene Wenger á sínum tíma. Hann sagði mér að frábæru leikmennirnir, það skiptir ekki máli hvað þeir gera í ákveðnum leik heldur að halda einbeitingu og bíða eftir tækifærinu,“ sagði Salah.

,,Besti leikmaðurinn er alltaf hluti af leiknum og ég byrjaði að hugsa út í þetta fyrir nokkrum árum. Tilfinningar leikmanna eru upp og niður en ég vil ekki hugsa þannig, ég vil vera stöðugur og reyna að skilja það að þú munt ekki alltaf spila þinn besta leik. Ef þú ert einbeittur í þínu verkefni þá getur tækifærið komið.“