Pep Ljinders, fyrrum aðstoðarmaður Jurgen Klopp hjá Liverpool, sagði Darwin Nunez á sínum tíma að hann væri besti sóknarmaður heims.

Nunez er ansi umdeildur leikmaður og er ekki byrjunarliðsmaður í dag en miklar vonir voru bundnar við leikmanninn 2022 eftir komu frá Benfica.

Amazon er að fara af stað með nýja heimildarþætti þar sem fjallað er um Liverpool og hefur birt stiklur úr þáttunum sem bera nafnið ‘Doubters to Believers: Liverpool FC: The Klopp Era.“

Ljinders reyndi hvað hann gat til að koma Nunez almennilega af stað en því miður þá hefur sá úrúgvæski ekki staðist væntingar hingað til.

,,Staðan er sú að þú ert sá besti í Evrópu – þú ert samanlagt með 23 mörk og stoðsendingar úr 36 leikjum,“ sagði Ljinders.

,,Sumir leikmenn eru bara í því að skora mörk en þú ert að verða betri í því að leggja upp. Þú átt miklu meira inni.“