Javier Tebas forseti La Liga á Spáni segir að deildin hafi farið fram á það að framkvæmdastjórn Evrópusambandsins rannsaki Manchester City.

Tebas og aðilar á Spáni telja að City brjót reglur með því að láta meðal annars fyrirtæki sem eigendur City eiga borga brúsann.

„Þeir eru meðal annars með njósnara og markaðsfyrirtæki sem eru dýr, reikningurinn sem City fær er hins vegar ekki merkilegur. Það gefur City séns á að fara ekki eftir reglum, við höfum tilkynnt þetta til Evrópusambandsins,“ segir Tebas nú.

City er að verjast 115 ákærum frá ensku deildinni en félagið er sakað um að hafa farið í kringum reglur um fjármögnun félaga. England er ekki í Evrópusambandinu en Tebas segir það engu máli skipta.

„Þeir eru virkir á evrópska markaðnum og auglýsa þar. Við kvörtuðum fyrst árið 2023 og núna eru reglur sem gefa Evrópusambandinu tækifæri til að skoða City Football Group.“

„Það fyrsta er að skoða hvort City noti önnur fyrirtæki til að svindla á kerfinu. Hitt er að berjast gegn því að félag sem sé í eigu þjóðar fari eftir ströngum reglum.“

„Við teljum það óeðlilegt að City geti sett mikinn kostnað á önnur fyrirtæki,“ segir Tebas en City er í eigu aðila sem stjórna Sameinuðu arabísku furstadæmunum.