Knattspyrnustjóri í ensku úrvalsdeildinni játar því að hafa borgað stúlku fyrir kynlíf. Hún segir manninn hafa nauðgað sér þegar hún var 15 ára gömul.

The Athletic í Bretlandi fjallar um en vegna regluverks í Bretlandi má ekki nafngreina manninn.

Maðurinn er að stýra liði í ensku deildinni í dag. Stúlkan segir að maðurinn hafi nauðgað sér á heimili hans þegar hún var 15 ára gömul.

Hún segir að maðurinn hafi boðið sér heim til þess að ræða um framtíðar starf fyrir hana. Maðurinn segist hafa borgað henni fyrir kynlíf þegar hún var 16 og 17 ára gömul.

Hann segir að stúlkan hafi reglulega haft samband við sig í gegnum árin og beðið um peninga fyrir kynlíf.

Í dómsgögnum kemur fram að hann hafi oftar en 15 sinnum hitt stúkuna og stundað með henni kynmök. Hann hafi borgað fyrir þau skipti.

„Í eitt skiptið stundaði hann kynlíf með henni og systur hennar sem báðar voru á eftir peningum,“ segir í gögnum dómsins.

Um meinta nauðgun segir hún að maðurinn hafi látið hana fara á hné og spurt hvort hún væri hrein mey. Hann hafi síðan nauðgað sér og látið hana fá 150 pund eftir það.

Konan kærði nauðgunina árið 2021 en maðurinn hefur haldið áfram að vera í starfi sínu samkvæmt frétt BBC og The Athletic.