Sergio Ramos samdi á dögunum við Monterrey í Mexíkó eftir að hafa verið atvinnulaus í hálft ár. Ramos lék síðast með Sevilla á Spáni, heimalandi hans.
Ramos gerði miklar kröfur þegar hann samdi við Monterrey en hann fær 800 milljónir í vasa sinn fyrir árið.
Auk þess að fá vel borgað mun Ramos hafa gert rosalegar kröfur sem Monterrey gekk að.
„Hefur þú lesið samninginn hans, þetta er klikkun,“ segir í hlaðvarpinu Footy Culture um málið.
„Hann fær launin og fullt af öðrum greiðslum, hann má velja þá leiki sem hann spilar. Hann fær bónus fyrir alla leiki sem hann spilar á HM félagsliða.“
„Hann fær bónus fyrir að byrja, hann bað um að verða fyrirliði og það verður gert um leið.“
Kröfurnar sem þessi 38 ára gamli varnarmaður gerði voru fleiri og gekk félagið að þeim öllum. „Hann fær bónus fyrir mörk og stoðsendingar, hann fær tvö prósent af öllum treyjum sem seljast með nafni hans.“
„Hann fær allar tekjur sem koma inn í gegnum. nafnið hans. Hann má semja við annað lið hvenær sem er og fara frítt, hann fær öryggisgæslu og hús fyrir sig og fjölskylduna.“
„Hann gerði kröfu á að búa við hlið Sergio Canales (Samherja hans) og vera með bílstjóra allan sólarhringinn.“
