Öllum stjórnarmönnum Vals er að verða ljóst að Gylfi Þór Sigurðsson vill burt frá félaginu og fátt eitt virðist geta komið í veg fyrir það að hann fari frá félaginu á næstu dögum.
Víkingur hefur lagt fram tilboð í Gylfa sem Valur mun ekki taka, búist er við að Breiðablik leggi fram tilboð á allra næstu dögum.
Samkvæmt heimildum 433.is vilja forráðamenn Vals fá 25 milljónir króna fyrir Gylfa ef hann á að fá að fara. Mjög ólíklegt er að Breiðablik og Víkingur setji þá upphæð á borðið enda getur Gylfi samið við þessi félög í maí og komið þá frítt næsta haust.
Fái Valsmenn þessar 25 milljónir fyrir Gylfa yrði hann dýrasti leikmaður í sögu fótboltans á Íslandi.
Einhverjir halda því fram að Valur myndi fara að skoða málið alvarlega ef talan myndi nálgast 15 milljónir króna og einhverjar klásúlur ef Gylfi eða liðið sem hann fer í nær árangri.
Forráðamenn Vals fengu þau fréttir í síðustu viku að Gylfi myndi vilja fara, hafa þeir aðilar sem sjá um mál Gylfa komið þessu til skila reglulega síðustu daga.
Gylfi samdi við Val fyrir ári síðan en nú virðist hann á förum, Gylfi sýndi á köflum frábæra frammistöðu síðasta sumar en meiðsli hrjáðu hann aðeins. Undanfarna mánuði hefur hann verið við frábæra heilsu og getað tekið þátt í öllum æfingum.
Hjörvar Hafliðason hafði um helgina eftir fjölskyldu að heiðursmannasamkomulag væri í gangi um að Gylfi mætti fara en ekki hefur fengið útskýrt hvernig það samkomulag er.
Erum Live! Update á málefnum Gylfa Sigurðsson https://t.co/9hRY2881Kh pic.twitter.com/3bmPT96Xf5
— Dr. Football Podcast (@drfootballpod) February 15, 2025
