Cristiano Ronaldo er búinn að skora 920 mörk á ferlinum eftir leik Al-Nassr og Al Fateh sem fór fram í gær.
Ronaldo spilar í Sádi Arabíu í dag og er markahæsti leikmaður deildarinnar en hann hefur komið knettinum í netið 14 sinnum.
Það eru þekktir leikmenn sem elta Ronaldo en Karim Benzema hefur skorað 12 mörk líkt og Aleksandar Mitrovic.
Al-Nassr er í þriðja sætinu í efstu deild Sádi Arabíu og er heilum átta stigum á eftir toppliði Al-Hilal sem á leik til góða.
