Ruben Amorim, stjóri Manchester United, neitar því að að hann hafi heimtað að fá inn nýja leikmenn í janúarglugganum.

Amorim var spurður út í nýleg ummæli sín varðandi janúargluggann en hann veit sjálfur að United er ekki í stöðu til að kaupa stórt í byrjun árs.

Portúgalinn tjáði sig einnig um stöðu Kobbie Mainoo, miðjumanns United, sem er orðaður við brottför í þessum glugga.

,,Ég man ekki eftir að hafa sagt það að ég vilji nýja leikmenn. Það sem ég sagði er að við þurfum að bæta óskalistann þegar við erum að skoða nýja leikmenn,“ sagði Amorim.

,,Við þurfum að vera vissir um að þessir leikmenn standist kröfur, stundum þarftu að taka áhættu.“

,,Við viljum alltaf halda okkar bestu leikmönnm og við vitum í hvaða stöðu félagið er í þessa stundina. Við sjáum hvað gerist. Ég er virkilega ánægður, ég er mjög hrifinn af mínum leikmönnum og sérstaklega þeim sem koma úr akademíunni.“