Það hefur verið erfitt utan vallar hjá Kyle Walker síðustu mánuði en þessa dagana er hann í réttarsal með hjákonu sinni sem hann barnaði tvisvar.

Kyle Walker bakvörður Manchester City var hent út heima hjá sér rétt fyrir jól. Þá kom í ljós að Walker hafði barnað Lauryn Goodman í tvígang. Annie Kilner, eiginkona hans, vissi af fyrra barninu en Walker hafði neitað fyrir að eiga það síðara.

Goodman setti sig í samband við Kilner og sagði frá því að Walker ætti seinna barnið líka.

Walker og Kilner hafa gengið í gegnum ýmislegt en hún eignaðist þeirra fjórða barn á dögunum.

Walker hafði gert ýmislegt til að kaupa sér tíma og þögn frá Goodman. „Ég hef verið mjög rausnarlegur,“ sagði Walker í réttarsal.

Walker keypti hús fyrir Goodman á 2,4 milljónir punda í úthverfi London. „Húsið sem Lauryn fékk er meira en nógu gott, hún vildi þetta. Fyrir hana að ræða ekki um þetta var þess virði.“

„Ég vildi halda þessu frá fjölmiðlum og Annie, ég keypti það þess vegna.“

Goodman setti þrjú skilyrði við Walker. „Ég átti að kaupa hús, gefa henni peninga og ekki barna Annie aftur,“ sagði Walker.

Walker hefur millifært tugir milljóna á Goodman og keypt ýmislegt fyrir hana en hún lögsækir hann og vill fá meira.