Margir stuðningsmenn Tottenham voru leiðir er þeir heyrðu af því að Harry Kane myndi ekki spila við sitt fyrrum félag í sumar.
Bayern Munchen er lið Kane í dag og mun spila æfingaleik við Tottenham þann 3. ágúst næstkomandi.
Eftir erfitt tímabil og svo EM í sumar þá er Kane í sumarfríi og mun ekki byrja að æfa fyrr en um 8. ágúst.
Það þýðir að Englendingurinn mun ekki mæta sínu fyrrum félagi en hann er markahæsti leikmaður í sögu liðsins.
Kane þarf á fríi að halda fyrir komandi tímabil en hans EM ævintýri endaði þann 14. júlí.
