Alex Oxlade-Chamberlain, fyrrum leikmaður Arsenal og Liverpool, er á förum frá tyrkneska félaginu Besiktas ef marka má frétt The Sun.
Hinn þrítugi Chamberlain gekk í raðir Besiktas í fyrra eftir sex ár hjá Liverpool, en þar áður var hann í sex ár hjá Arsenal.
Nú er Giovanni van Bronckhorst tekinn við sem stjóri Besiktas og verða miklar áherslubreytingar, þar á meðal vill hann losa fjölda leikmanna.
Einn af þeim er Chamberlain og er þegar búið að bjóða hann til félaga í enska boltanum, sem nokkur hver eru áhugasöm samkvæmt fréttum.
