Framherjinn öflugi Niclas Fullkrug gæti verið á leið til Spánar en frá þessu greinir AS sem er miðill þar í landi.
Atletico Madrid er að leita að framherja fyrir komandi tímabil eftir að hafa misst Alvaro Morata til AC Milan.
AS segir að Atletico hafi mikinn áhuga á Fullkrug sem er þýskur landsliðsmaður og vill komast burt.
Dortmund er búið að semja við Serhou Guirassy sem verður aðalframherji liðsins í vetur og er lítið pláss fyrir Fullkrug.
Fullkrug kom til Dortmund fyrir 15 milljónir evra síðasta sumar og skoraði 12 mörk í 29 leikjum fyrir félagið í deild.
Hann var einnig hluti af þýska landsliðinu á EM í sumar og þótti standa sig ágætlega sem varamaður.
