Eigendur K.A.S. Eupen í Belgíu vita ekki hvað þeir ætla að gera með félagið en þar eru ALfreð Finnbogason og Guðlaugur Victor Pálsson leikmenn.
Eigendur Eupen koma frá Katar og hafa sett mikla peninga í liðið sem féll úr úrvalsdeildinin á Belgíu. EFtir fallið er allt í lausu lofti.
Hingað til hafa Alfreð og Guðlaugur fengið laun sín á réttum tíma en það er að breytast. „Við fengum greitt tveimur vikum of seint, núna af því að við féllum þá eru Katarar að mixa eitthvað,“ sagði Guðlaugur í Dr. Football hlaðvarpinu.
Ekki er ljóst hvað gerist hjá Eupen en liðið á að hefja æfingar eftir tvær vikur.
„Það er enginn þjálfari, ekki fitness coach, það er ekki sjúkraþjálfari. Fyrsta æfing er eftir tvær vikur, þeir vita ekkert hvað Katarar ætla að gera með budget. Það er ekkert hægt að ráða inn neitt,“ segir Guðlaugur.
„Ég er meiddur og hef verið meiddur í sex vikur, er ég að fara aftur til Eupen í endurhæfingu eða eitthvað. Ég veit ekki neitt.“
Guðlaugur segist fá vel borgað í Eupen en er að hugsa um að fara frá félaginu í sumar.
„Þetta er mjög skrýtið allt saman, ég er að hugsa mér til hreyfings. En eins og fótbolti virkar þegar maður er 33 ára gamall, þá týnir maður ekkert samning upp úr götunni. Ég á tvö ár eftir af samningi, 33 ára. Er ég frír eða ekki, það eru ekki margir að fara að kaupa mig. Þannig er þessi buisness.“
