KR gæti verið að missa sterkan mann úr Bestu deild karla samkvæmt heimildum Fótbolta.net.
Fótbolti.net greinir frá því í dag að Utrecht í Hollandi sé að horfa á sóknarmanninn Benoný Breka Andrésson.
Benoný er aðeins 18 ára gamall og er bundinn KR þar til 2025 og hefur skorað fimm mörk í átta leikjum KR í Bestu deildinni.
Framherjinn spilaði þá 20 leiki síðasta sumar og skoraði í þeim fjögur mörk.
Um er að ræða afar efnilegan KR-ing sem var orðaður við Gautaborg á síðustu leiktíð.
