Íþróttavikan er á sínum stað þennan föstudaginn líkt og alltaf. Hörður Magnússon og Edda Sif Pálsdóttir fara yfir allt það helsta.
Hörður er einn dáðasti íþróttalýsandi landsins og Edda Sif er ein af stjörnum RÚV þegar kemur að umfjöllun um íþróttir.
Í upphafi þáttar var farið yfir nýja formann KSÍ, Þorvald Örlygsson. Hann var kjörinn fyrir viku síðan og það nokkuð óvænt.
„Þetta kom skemmtilega á óvart,“ sagði Eddda Sif um málið og nýjan formann sambandsins.
„Ég var að millilenda á leið heim frá Serbíu og svo kom þetta upp, þetta kom skemmtilega á óvart.“
Hörður segir að líklega hafi Þorvaldur unnið þetta með því að taka ekki þátt í neinum slag sem Guðni Bergsson og Vignir Már Þormóðsson virtust vera í.
„Ég var upp á Skaga á laugardaginn og fylgdist lítið með, en leit í símann við heimkomu. Ég held að hreyfingin hafi haft gott af því að fara í gegnum þetta.“
„Þorvaldur var ólíklegastur, Vignir var nokkuð líklegur hafi kannski gert mistök á lokametrunum með því að vaða í Guðna. Guðni hafi sagt af sér og axlaði ábyrgð þar, gerði mistök eins og hann sagði.“
„Toddi var fyrir utan þetta, ég held að það hafi hjálpað honum. Hann vann vel, þetta var ótrúlega lítill munur. Þetta eru fimm atkvæði í lokin.“
Edda segir að ræða hans á ársþinginu hafi líklega hjálpað. „Ræðan var mannleg, þetta var ekkert bla. Hann var heiðarlegur, hann hefur náð til einhverja. Hann fór ekki í leðjuslag en skaut á smekklegan hátt.“
Hörður hefur reynslu af því að vinna með Þorvaldi. „Ég var með honum í Pepsi mörkunum, hann er ofboðslega duglegur og það er eldhugur í honum,“ segir Hörður.
