Mia Khalifa sem þekktust er fyrir það að vera klámstjarna þvertekur fyrir það að eiga í einhverju leynilegu ástarsambandi við Julian Alvarez framherja Atletico Madrid.
Alvarez er stórstjarna í heimalandi sínu Argentínu og þar hafa verið fluttar fréttir af meintu ástarsambandi.
Alvarez fór frá Manchester City í sumar en Khalifa þvertekur fyrir sambandið.
„Til að hafa þetta á hreinu, ég er ekki í sambandi við neinn. Ef svo væri þá væri það ekki einhver sem man ekki hvar hann var á 9/11,“ sagði Khalifa í færslu.
Alvarez er fæddur árið 2000 en Khalifa er sjö árum eldri og sambandið er ekki í gangi eins og fjölmiðlar hafa haldið fram í Argentínu.
Alvarez varð Heimsmeistari með Argentínu árið 2022 en hann á kærustu í dag sem heitir Maria Emilia Ferrero.
