Eins og margir vita þá er útlit fyrir það að Victor Lindelof muni ekki spila meira á árinu 2024.

Lindelof er leikmaður Manchester United en hann meiddist eftir 30 mínútur á dögunum í landsleik Svía við Slóvakíu.

Lindelof er 30 ára gamall og var meiddur á tá fyrr á þessu ári en hann hafði verið að stíga sín fyrstu skref eftir þau meiðsli.

Emil Holm, liðsfélagi Lindelof, segir að landi sinn hafi verið miður sín í búningsklefanum eftir leik.

,,Þetta er mjög sorgleg staða. Hann er nýbúinn að jafna sig af meiðslum og meiddist svo aftur – það var erfitt að horfa á,“ sagði Holm.

,,Hann var miður sín í búningsklefanum. Hann er mikilvægur í búningsklefanum og er fyrirliði liðsins. Ég faðmaði hann og óskaði honum góðs bata.“