Aymeric Laporte hefur gefið sterklega í skyn að hann hafi áhuga á að semja við Real Madrid í janúar.

Um er að ræða varnarmann Al-Nassr í Sádi Arabíu en Laporte spilaði einnig um tíma með Manchester City á Englandi.

Talið er að Real vilji fá spænska landsliðsmanninn í sínar raðir í janúar en hann er samningsbundinn til ársins 2026.

,,Ég er ekki alveg með hlutina á hreinu, ég hef heyrt sömu hluti og þið,“ sagði Laporte við El Larguero.

,,Það er ekkert vandamál með þessar sögusagnir. Það er gott að heyra af þessu. Augljóslega horfir enginn niður á Real Madrid.“

,,Ég hef áhuga á að snúa aftur til Spánar, öll fjölskyldan er í Evrópu.“