Annie Kilner er nafn sem margir eru farnir að kannast við en hún hefur sótt um skilnað við eiginmann sinn, Kyle Walker.

Walker er leikmaður Manchester City en honum var sparkað út í tvígang og þurfti að flytja burt frá fjölskyldunni – hann og Kilner eiga saman þrjú börn.

Walker hélt framhjá Kilner með fyrsætunni Lauryn Goodman sumarið 2019 og þá sumarið 2022 sem varð til þess að Kilner fékk nóg og heimtar nú skilnað.

Ensk blöð rifja upp það sem Kilner hafði að segja eftir fyrsta framhjáhald Walker sem átti sér stað fyrir fimm árum síðan.

,,Hann er hálfviti fyrir að fórna því að missa fjölskylduna fyrir þetta. Þegar hann sagði mér frá þessu var ég niðurbrotin,“ sagði Kilner um sína reynslu sem hún þurfti svo að upplifa aftur.

,,Mér leið illa líkamlega. Allt loftið fer úr þér. Heimurinn hrundi þegar ég heyrði af þessu. Þetta er eitt það versta sem ég gat ímyndað mér. Það sem ég óttaðist mest, það gerðist.“

,,Ég neitaði að trúa þessu. Hann hélt ekki aðeins framhjá mér heldur barnaði hann stelpuna.“

Walker barnaði Lauryn fyrst árið 2019 og svo aftur nokkrum árum síðar en þau eiga saman tvö börn.

Kilner hefur þurft að upplifa afskaplega erfiða tíma á undanförnum árum og vonast til að finna hamingjuna í betri og traustverðugri manni.