Trent Alexander-Arnold trúir því að hann geti unnið verðlaunin virtu Ballon d’Or einn daginn.
Ballon d’Or eru afhent á hverju ári en þar er besti leikmaður hvers árs valinn og oftar en ekki þá verður sóknarmaður fyrir valinu.
Trent er þó bjartsýnn en hann er leikmaður Liverpool og gæti mögulega verið á leið til Real Madrid næsta sumar.
Hans helsta markmið er að vinna þessi ágætu verðlaun og verða um leið fyrsti bakvörður í sögunni til að fagna því afreki.
,,Mitt helsta markmið? Það er að vinna Ballon d’Or myndi ég segja,“ sagði Trent við blaðamenn.
,,Ég trúi því að ég geti náð þeim áfanga. Ég vil verða fyrsti bakvörður í sögunni til að vinna þessi verðlaun.“
